ذبحت القلب وش فادك وفاته

ذبحت الروح , وخبري بك رفوقي

عطاك وما ذكر لك يوم هاته

جنونه بك , وحبه لك صدوقي

ذبحته بغفلته وش هي جزاته

حرام إنك عدمت اليوم شوقي

طعنته يوم أهدى لك حياته

رحلت وما رأفت بها لعشوقي

حيا قلبي لطعناته لذاته

حيا مدام تجري له عروقي

صحي توه وهو كان فسباته

صحي لكن بعد ما جف عوقي

صحي يجمع من الفرقى شتاته

درى لشمس لو غابت شروقي

ذبحت اللي رخص لك غلاته

سؤال ليش تذبح لي خفوقي ؟