حاني يقول أبي أعتذر وأراضيك

جاني يهل الدمع يطلب رضايا

يقول أنا غلطان يومي أجافيك

بعدك ترا موتي وقربك دوايا

واليزم جيتك نادم (ن) بين أياديك

أحكم علي ولا تقرر شقايا

قلت الحكم صادر من العام ناسيك

وحبك بعد صدك رميته ورايا

نسيت غدرك وما فعلته بماضيك

نسيت حتى يوم ترفض غلايا

صدق طعنت العام من كان مغليك

واليوم تطلبني أجدد هوايا

تراك ميت في زمان وأعزيك

موتك تراه أصبح لصدك عزايا

وش لون ياميت بعد موتك أحييك

وش لون يرجع من توفا معايا

أقولها من قلبي اليوم مابيك

هذا قرار القلب إبعد كفايا

لا تعتذر ما عادلي رغبتن فيك

ولا تذرف دموعك تراها نهايا

الله يعطيك الف عافية