ليه لما سمعتك صحت آه بجنون
خر كل شي فيني واعتراني حزن


ذابت رموش عيني والمدامع هتون
والمسامع شكني ليتهن ما اسمعن


لحظه اصبر دخيلك لا تزيد الطعون
لا تقطع خفوق(ن) كان لك به وطن


ما حسبتك تجامل ما حسبتك تخون
ما حسبت الخيانه للمحبه ثمن


ابتدت بك ظنون(ن) وانتهت بك ظنون
بين هذا وهذا ضعت فيما تظن


اسمع اللي بقوله اسمعه لو امون
ما بقى شي فيني غير هم وشجن


قصرك اللي بقلبي طاحت به الركون
قصر شامخ ولكن وينه اللي سكن


ما تهون المحبه والغلا ما يهون
ليت ترجع ترمم كل ساس وركن


هذي كل الحكايه لحنها والوزون
بيت يشكي بعادك وبيت يبكي يحن

مشكوررررررررررر

رائعه اخرى من روائع فيضك من جديد

تسكبها هنا لتفوح منها الدرر

تعودنا على الاستمتاع بطروحاتك المفعمه بالتمييز

ودي ووردي

يسلموووووووو
مواضيعك مرة مميزة
واصل نشاطك
مع تحياتي