صعب جداً إذا جيته أبتخيّلْه مو يمي
صعب جداً ولا يمكن يدق قلبي معا غيره

سهل جداً لو يْوافق أبوي ويرتضي عمي
سهل جداً أبتزوج حبيبي وانهي السيره

,

تهندسني زوايا طلة عيونه
تخليني غصب آجيه مفتونه
أبيه وما أبي غيره
ولا يحتاج تأشيره
دخل قلبي
قلب دربي
وهو مجنون
ومن قال انه بعكسي
تراي أصبحت مجنونه !

,

لا تلوموني إذا في يوم هدّيت المزاج
ما لقيتوني حوالي حجرتي أو فالسرير

المحبه انطلاقه ما يحددها سياج
والوداد أصدق من اعنادي ولمساته حرير

خلّني عنده أزوره بالحلال وبالزواج
أبرك مْن الغصب يلي تالِيَه وضعٍ حسير!

,

وأنا أدري .. علي بدري
تقولولي أنا حره
ولكنكم ولا يمكن تخلوني على قهري
وانا أدري
ولا يمكن أهون وينتهي قدري
ترى الهوى
كله دوا
وراح أسمع تها*-تم الحذف. كلمة غير محترمة لا يسمح بها في هذا المنتدى-*م
وانا جنبه أواسيكم
تراي بْ خير
على عمي بوصّيكم
ولد عمي ترى به خير
بيلقى له نصيب أحلى
مثل مالي حبيب أحلى
والاقيكم
تبسّمتو
معي قلتو
يا رب أيامنا تحلى !