لسلام عليكم ورحمة الله
النهرده جيبالكم طريقة حلوة اوى وسهلة لعصير قمر الدين فى البيت بمناسبة رمضان
اللهم بلغنا رمضان على خير
وموفرة كمان
والاهم من ده كله ان طعمه احلى بكتيييييييييييييييييييييير من قمر الدين الجاهز وكمان مضمون ومفيهوش حاجة صناعية
المقادير
3 كيلو مشمش
2 كيلو سكر
كوب سكر
بس هى دى مقاديرنا
ندخل بقى على الطريقة
هنغسل المشمش ونشيل منه البذر وطبعا هنرمى البايز
وهنحطه فى حلة

اضغطي هنا لمشاهدة الصورة بحجمها الأصلي

وبعد كده هنحطه على النار لغاية ماتحسى انه اتهرا
وطبعا مش هنحط اى ميه هو هيستوى فى ميته وهيجيب ميه تانى وهو على النار




ونطفى النار لما نحس انه اتهرا ونسيبه يبرد ونضربه بالخلاط اليدوى او بالخلاط العادى





ونصفيه




ونحط عليه كوباية السكر

اضغطي هنا لمشاهدة الصورة بحجمها الأصلي

ونحطه على النار تانى لغاية مايتقل ويعقد ويبقى لونه غامق زى كده(ممكن ياخد ساعة على النار او اقل شوية)




خلاص كده بقى تمام
هنعمل ايه بقى
هنحطه فى علبه ونعينه فى الفريزر لغاية رمضان
متخافوش مش هيجراله اى حاجة
لما نيجى نشربه هنطلعه من الفريزر وناخد منه 6 معالق كبار
ونضربهم مع ميه يعنى بعد مايتضرب هيبقى حجم دورق الخلاط وممكن وانتى
بتضربيه تحطى سكر وممكن لاء ده حسب الرغبة
انا طبعا مستنتش عشان اصوره وضربته عشان اوريكم شكله
ده شكله وهو فى الدورق




وده شكله لما بقى فى الكوبايات

مجهود رائع ومميز
تسلم ايدك